Os pequechos do Daría

 Vos deixamos algunhas fotiños de diferentes momentos da xornada.

  En días previos á data do Día Internacional da Muller, estivemos a falar nas aulas sobre as mulleres da nosa vida e tamén vimos algúns videos e nos informamos sobre algunhas mulleres importantes, tanto galegas, como do mundo enteiro, que coa súa contribución, fixeron da Terra un lugar mellor.  Tamén debuxamos á muller máis importante das nosas vidas, despois de explicar por que e algunhas cualidades delas,  e o día 8 pegamos os nosos traballos xunto cos do resto do compañeiros do cole nun mural conmemorativo para esta data.

Comezamos un pequeno proxecto de investigación sobre os gatos.  Polo momento falamos do que sabemos, os nosos coñecementos previos. Tamén do que nos gustaría saber e aprender e onde buscar a información.  Un dos lugares suxeridos foi nas nosas casas preguntando ás familias.   Hugo buscou coa súa nai e mandáronnos polo correo electrónico fotos de gatos e unha información sobre as súas horas de sono.  Xian tróuxonos unha foto dun gato que tivo a súa nai hai anos.  E Leyre trouxo un conto sobre animais domésticos, entre eles o gato.  Así que no noso mural do proxecto iremos anotando os nosos descubrimentos. Un día ademáis, apareceu na clase un montonciño de libros cunmha carta da polbo Daría, que como se enterou de en que andamos a enredar, buscou algúns libros informativos sobre os gatos para nós.  Ademáis, o venres, que subimos á biblioteca, tamén buscamos e atopamos algúns, que levamos para clase para poder consultalos.  Estamos creando o noso recanto do proxecto, cunha pequena bibliot

  Neste mes andamos de viaxe por Marrocos. Entre algunhas das súas comidas típicas, descubrimos que tanto os froitos secos, como as especias como o mel, o utilizan con frecuencia nelas.  Nesta ocasión participamos nun obradoiro de galletas, seguindo unha receita marroquí.

  Seguimos a experimentar con diferentes materiais e técnicas. Noutra sesión de arte probamos a pintar nun folio dentro dunha caixa de zapatos. Utilizamos canicas e témperas de cores. Movendo a caixa, axudamos a que as canicas se empapen de pintura e fagan os seus percorridos con ela, creándose así as nosas obras de arte.  Desfrutamos un montón da actividade e comprobamos que todos podemos ser creativos e artísticos con pouca cousa.