Os pequechos do Daría

 A semana pasada, na xuntanza que facemos os mércores cos compañeiros de 5 anos, contamos o conto "Marisé e o loro Ravachol". Así coñecimos un pouco sobre a súa historia e participamos un chisco na confección dun mural do loro, no que lle pegamos as plumas de cores. Ademáis, levamos a cabo un xogo que nos preparou un grupo de persoas dunha asociación da localidade, no que nos escondían dous loros e tiñamos que atopalos polo patio do cole.  Nun principio nos explicaron en que consistiría a actividade. E logo, con moito entusiasmo puxémonos a buscar os loros.  Xián atopou o primeiro entre as leitugas.  E Noha o segulndo, nos columpios.  E de despedida deixáronnos uns agasallos que nos encantaron: plastilina e  lápices de cores!!

 A semana pasada celebramos no cole o día de Rosalía. Na clase  e tamén fóra na entrada vimos algún video sobre a escritora. Aproveitamos para facer unha foto no "photocall" do vestíbulo. Tamén decoramos unhas bolboretas nas que escribimos versos dun dos seus poemas. O venres 24, todos xuntos, pegamos as bolboretas formando a poesía ó completo.

Hoxe venres por fin foi a festa do Entroido! Estabamos todos guapísimos cos nosos traxes do peixe Arco da Vella. Despois de rematar o recreo xa tiñamos os nosos traxes listos na clase para vestilos. E xa fóra, listos para empezar a desfilar!!       E á volta do desfile, a comer bica, froita e a bailar!! Que ben o pasamos!!

 A semana pasada utilizamos as acuarelas para pintar diferentes peixes e crear uns cadros con eles.  Cada quen escolleu o peixe que máis lle gustaba e todos a pintar!   Cando secaron os pegamos nuns folios de cores nos que debuxamos as ondas do mar.  E os pegamos xunto co resto  de cadros no corredor.

 Unha vez que tivemos o noso disfraz preparado, adicamos ós días previos á festa do Entroido, para visitar as distintas aulas e contar o noso conto aos demáis compañeiros/as.  O luns estivemos na aula de 1º e 2º. O mércores, cando nos xuntamos cos compañeiros de 5 anos, tamén lles contamos o conto. Ese día tamén estivemos nas aulas de 5º e 6º de primaria. Aquí vedes aos de 5º atentísimos.  Seguro que lles gustou moito! E o xoves visitamos a aula de 3º de primaria e logo tamén nos visitaron os de 4º a nós na nosa clase. Eles tamén tiñan algo que ensinarnos. Puidemos ver nunha aplicación, moitos vagalumes como os do seu conto.

 Este xoves Leyre estivo de aniversario. Cumpriu 4 anos!! Trouxo un rico biscoito e despois de soprar a candea do 4 dimos todos boa conta del. Felicidades Leyre!!!!

 Esta semana pasada andivemos moi atarefados confeccionando o noso disfraz. Este ano no cole a temática é PERSOAXES DE CONTOS e como nesta semana andivemos a voltas co conto "O peixe Arco da Vella" e foi un conto que gustou moito a todos, quedou decidido que ese sería o noso disfraz. O primeiro que fixemos foi traballar no peixe que cada un levaría pegado no seu "traxe" (unha bolsa de plástico de cor azul, simulando o mar). PASO 1- RECORTAR (os de 4 anos) O PEIXE E PEGAR NEL AS ESCAMAS FEITAS CON PAPEIS DE CORES. ADEMÁIS, PINTALO.  PASO 2- COLOREAR OS DISTINTOS PEIXES, CARACOLAS, ESTRELAS, CABALIÑOS... (a profe axudou a recortalos). PASO 3- PEGALOS NA BOLSA DE PLÁSTICO. ENGADIR TAMÉN ALGAS FEITAS CON PAPEL ADHESIVO VERDE E BURBULLAS SIMULADAS CON GOMETS. PASO 4- COLOREAR O PEIXE QUE LEVARÍAMOS NA FRENTE, SUXEITO CUNHA CINTA. Mirade que xeitosos nos quedaron! Agora só nos falta desfilar con eles e pasalo moi moi ben!!!