Os pequechos do Daría

AGROMARON AS CASTAÑAS! Ao rematar o MAGOSTO, decidimos plantar as castañas que sobraron. Pintamos os envases de tetrabrick que gardamos na clase ( gústanos moito a reciclaxe) e probamos sorte esperando que agromara algunha. Mirade que marabilla... e seguimos á espera de que agromen as que faltan. OS NOSOS RECUNCHOS DE APRENDIZAXE O espazo da clase está distribuído por recunchos de traballo. Neles están organizados os materiais por áreas de aprendizaxe: lóxico-matemática, lectoescritura, arte, linguaxe simbólico, biblioteca e o máis importante, a asamblea, dende organizamos as sesións de cada día. Botádelle unha ollada! DECORAMOS A NOSA CLASE POLO NADAL! Mirade os nosos traballos co gallo da festa de Nadal! A nosa mascota: "Zapatitos", reciclada do Samaín, disfrazada de " Mamá Noel", e a nosa árbore de Nadal. As bolas de purpurina, os calcetíns, piñas e postais de nadal.  Os calcetíns, piñas e postais de Nadal

  Na clase temos diferentes recantos nos que a veces xogamos libremente e con quen queremos e noutras ocasións, participamos en diferentes actividades propostas pola profe e con compañeiros de equipo.  

  Semanalmente acudimos á biblioteca do cole. Alí a profe conta un conto, a veces debuxamos e escribimos libremente sobre esa historia, e sempre adicamos un rato longo a ver libros cos compañeiros.  Algunhas veces tamén eliximos libros para levar a clase unha temporada.  Ademáis, os nenos de primaria nos explicaron como podemos utilizar os separadores de libros, que eles fixeron para a biblioteca e estamos empezando a utilizalos.

   O día da Infancia e os seus dereitos, levamos a cabo diversas actividades para conmemorar esta data, que se celebra o 20 de novembro. Falamos, cantamos e bailamos, e colaboramos os compañeiros das dúas aulas para crear un mural conxunto no que recordar os dereitos das nenas e os nenos.      Ademáis algúns compañeiros de sexto viñeron a falarnos dalgúns destes dereitos dos que todos os nenos e nenas do mundo debemos desfrutar.

 MANDALA DE OUTONO Mirade que mandala construímos con follas e diferentes froitos do outono! Que traballazoooo!!!!!

  CESTIÑAS DO MAGOSTO No cole celebramos o Magosto así que decoramos as cestiñas onde metemos as castañas asadas. Quedaron ben xeitoxas!

  ESTREAMOS CORTINAS! Pintamos follas de outono e con elas fixemos estas bonitas cortinas na entrada de infantil. Mirade que chulas quedaron!

  PINTAMOS CON CHOCOLATE! Coa chegada do outono, estamos a aprender as cores, froitas e froitos secos propios desta estación. Así que decidimos pintar CASTAÑAS con CHOCOLATE!!! Hmmmm, que ricoooo!!!

  Nestas semanas andivemos a experimentar e comprobar que podemos utilizar algúns alimentos para obter pintura e facer creacións artísticas.  Utilizamos CACAO, PIMENTÓN, CENORIA E REMOLACHA e foi moi divertido e nalgúns casos sorprendente ver como dalgúns destes alimentos podía saír pintura.  Xogamos a adiviñar de qué froita ou hortaliza se trataba e tamén probamos a cenoria e a remolacha cocidas. O pimentón cheiraba moi forte e co cacao por suposto entráronnos ganas de botar o pince á boca.  Pintamos castañas co caco e o pimentón e logo creamos libremente cadros con estes dous alimentos e coa remolacha e a cenoria creamos fondos nos que pegar despois a castaña cando secara.

  O 11 de novembro participamos na festa do magosto. Antes de comer as ricas castañas asadas, participamos nuns xogos que a profe de Educación Física organizou. Ademáis, días antes andivemos a preparar as nosas cestas para as castañas, que fixemos con bricks de leite, que pedimos a casa nunha nota. Cada quen escribiu libremente a nota. Pintamos follas que logo estampamos nun papel co que decoraríamos as nosas cestas. Tamén pintamos e recortamos castañas. Na festa pasámolo xenial, xa que participamos nos distintos xogos organizados, comimos as castañas e bailamos e xogamos todos xuntos. Tamén aprendimos rimas, poesías e cancións sobre o magosto.  Ademáis nunha xornada tamén cocimos as castañas nas clases, engadíndolle esa pranta que tanto aroma lle da, os anises.  Logo cando enfriaron as comimos todos xuntos no patio do recreo e estaban riquísimas.

  Outra das actividades que fixemos polo Samaín foi crear monstros usando os dados. E así cada quen debuxaba ó seu monstro según lle indicaran os dados a cantidade de ollos, brazos, pernas....que tipo de boca, como facer o corpo.  Así quedaron: