Celebrando o día da PAZ

Para conmemorar o día da PAZ, na aula traballamos a partir do conto  "O peixe Arco da Vella" do que xa vos falamos noutra entrada, que destaca o valor de compartir e o ben que nos sentimos cando o facemos, comprobando o feliz que podemos facer a alguén con este simple xesto. 

A partir desta lectura xurdiu a proposta de "reflexionar" e "dialogar" sobre como son os nosos compañeiros/as. Características físicas e tamén persoais e en positivo.  E ademáis de observalos, describilos e debuxalos, tamén con todas esas características confeccionamos un acróstico coas palabras que os describen.

Nunha próxima entrada vos contaremos e amosaremos os diferentes acrósticos.

Ademáis, no  corredor da entrada hai un enorme mural feito pola mestra e os nenos de 6º de  Infantil.

Outro día observamos que no corazón do medio había pegadas palabras bonitas e positivas que os nenos de 5 anos pensaran e escribiran para encher ese gran corazón con moita positividade e bos sentimentos.

Nós pensamos nas palabras que nos gustaría escribir no corazón: ABRAZO, XUNTOS, XOGAR, FLOR, SOL, LUZ, PEIXE ARCO DA VELLA, AMIGO, AXUDAR, COMPARTIR.

E tamén as escribimos nun papeliño e as pegamos. Agora mirade como luce o corazón, totalmente cheo pois todos os nenos e nenas do cole colaboraron na actividade.

Ademáis decoramos unhas pulseiras pola paz, do máis coloridas e alegres para intercambialas con outros compañeiros o día da celebración.

Nese día tamén compartimos todos xuntos a canción "Manos de colores" que bailamos en roda, agarrados das mans, que eran de moitas cores, xa que trouxemos todos guantes.

Na páxina do colexio podedes ver fotos deste día.