Participamos nunha INSTALACIÓN ARTÍSTICA inspirada no MAR

-

 Esta semana, atopámonos na aula cunha carta misteriosa da polbo Daría na que nos invitaba a seguir unhas pistas ata chegar a unha sorpresa. 

Tamén coa súa carta nos deixaba a MOCHILA VIAXEIRA, que este mesmo venres levou Jean, pois botamos a sortes na ruleta dos nomes e tocoulle a el.


 Chegamos á conclusión que as pistas estarían por fóra da clase e buscando buscando...fomos atopándoas...ata chegar á 3ª planta do colexio. 






Alí había unha gran creación montada con elementos naturais e con outros da escola ou de refugallo e cando estivemos un rato camiñando entre ela e observándoa nos dimos conta de que todo estaba relacionado co mundo mariño, polas cores, polos materiais e ó que recordaban. 








Despois duns minutos empezamos a interactuar co material transformando a obra inicial. Foi moi relaxante e entretido. 




Pasado un tempo de creación e desfrute, falamos da nosa experiencia con esta actividade e recollimos entre todos o material. Xa na aula cada quen debuxou o vivido, reflexando no papel o que máis lle gustou.





Comentarios

Publicar un comentario

Entradas populares de este blog

Participamos nunha instalación artística de transformación

-
Imagen
 Nesta semana participamos nunha instalación artística moi relacionada co proxecto do mar. A mestra de prácticas, Nerea, a deseñou e preparou todos os elementos necesarios participar nela.  Contou ademáis con traballos feitos polos propios nenos e nenas ó logo destes meses relacionados co proxecto do mar e ademáis tamén inclui recantos nos que eles puideran pintar e reflexar en papel algunhas das súas creacións orixinadas desta interacción.  Foi unha experiencia increíble que non deixou a ninguén indiferente; cadaquen participou nun diálogo coa arte e a expresividade, unha linguaxe fundamental para o desenvolvemento integral.
Read more »

A HORTA ESTÁ A MEDRAR

-
Imagen
A HORTA DO DARÍA  A nosa horta segue a medrar... Xa vos contamos con que ilusión comezamos a sementeira de todo tipo de hortalizas e verduras neste curso. O que non esperabamos é que en tan pouco tempo, todo o que prantamos medrara deste xeito. Chícharos, leitugas, repolos, allos, cebolas, tomates, patacas, cabazas, etc. están a encher a nosa horta de cor. Nós, quitamos as malas herbas, regamos, puxemos canas aos chícharos, ata prantamos amorodos silvestres que atopamos nas nosas andainas diarias...  Pero pagou a pena todo o esforzo, mirade que marabilla de horta ten o Daría!!!
Read more »

Coa primavera todo se enche de cor

-
Imagen
  Dende que chegou a primavera, estivemos inmersos en multitude de actividades e propostas moi divertidas e didácticas: coñecimos os nomes de diferentes flores, aumentando o noso vocabulario (algunhas delas incluso as atopamos nas nosas andainas nos arredores do cole), coloreamos, pintamos, creamos cadros de flores con diferentes técnicas artísticas,  escribimos sobre as flores, aprendimos rimas e poesías desta estación...fixemos marcapáxinas con motivos florais, decoramos as xanelas con flores e bolboretas....incluso tivemos e temos algunhas destas flores e prantas na clase.
Read more »