Festa do Entroido

-

 O venres 13 celebramos o Entroido na escola. Debido á choiva, o desfile e a merenda de postres típicos, levouse a cabo dentro da escola, na primeira planta. 

Os disfraces os estivemos preparando nos días previos, no noso obradoiro con familias e educadores. Incluso viñeron irmáns e algún compañeiro/a de primaria que quixo botar unha man. Nunha entrada anterior volo contamos. Ademáis, eses días tamen participamos no "mandadiño". 





Un día viñemos con follas na cabeza, outro con flores pintadas..



..ata de criaturas máxicas dos bosques... 


Nestes días tamén coñecimos disfraces típicos dalgúns lugares de Galicia: peliqueiro, cigarrón, pita, boteiro, madamas...estamos todos fascinados con tanta tradición que temos co Entroido. 
Tamén  decoramos o corredoiro con cigarróns e pantallas. 
 




Pasámolo todos xenial, esperamos que nestes días de Entroido vós tamén desfrutárades moito!










Comentarios

Publicar un comentario

Entradas populares de este blog

Participamos nunha instalación artística de transformación

-
Imagen
 Nesta semana participamos nunha instalación artística moi relacionada co proxecto do mar. A mestra de prácticas, Nerea, a deseñou e preparou todos os elementos necesarios participar nela.  Contou ademáis con traballos feitos polos propios nenos e nenas ó logo destes meses relacionados co proxecto do mar e ademáis tamén inclui recantos nos que eles puideran pintar e reflexar en papel algunhas das súas creacións orixinadas desta interacción.  Foi unha experiencia increíble que non deixou a ninguén indiferente; cadaquen participou nun diálogo coa arte e a expresividade, unha linguaxe fundamental para o desenvolvemento integral.
Read more »

A HORTA ESTÁ A MEDRAR

-
Imagen
A HORTA DO DARÍA  A nosa horta segue a medrar... Xa vos contamos con que ilusión comezamos a sementeira de todo tipo de hortalizas e verduras neste curso. O que non esperabamos é que en tan pouco tempo, todo o que prantamos medrara deste xeito. Chícharos, leitugas, repolos, allos, cebolas, tomates, patacas, cabazas, etc. están a encher a nosa horta de cor. Nós, quitamos as malas herbas, regamos, puxemos canas aos chícharos, ata prantamos amorodos silvestres que atopamos nas nosas andainas diarias...  Pero pagou a pena todo o esforzo, mirade que marabilla de horta ten o Daría!!!
Read more »

Coa primavera todo se enche de cor

-
Imagen
  Dende que chegou a primavera, estivemos inmersos en multitude de actividades e propostas moi divertidas e didácticas: coñecimos os nomes de diferentes flores, aumentando o noso vocabulario (algunhas delas incluso as atopamos nas nosas andainas nos arredores do cole), coloreamos, pintamos, creamos cadros de flores con diferentes técnicas artísticas,  escribimos sobre as flores, aprendimos rimas e poesías desta estación...fixemos marcapáxinas con motivos florais, decoramos as xanelas con flores e bolboretas....incluso tivemos e temos algunhas destas flores e prantas na clase.
Read more »