Visitamos o Salón do Libro de Pontevedra

 Este luns 9 de marzo visitamos o Salón do Libro de Pontevedra. Este ano está adicado á MÚSICA, ademáis de facer unha pequena homenaxe a Palestina.

 Nada máis chegar nos agardaba o lobo Orbil e as monitoras e monitores que nos guiarían polo Salón. 

O primeiro que fixemos foi desfrutar duns contos divertidísimos que se encargou de contar Bea Campos. Tamén nos amosou moitos obxectos interesantes: unha caixiña de música, unha cociña ben quentiña.... 

Escoitamos o conto de "Garabanciña", e cantamos todos xuntos e tocamos instrumentos acompañando con outros contos como "Limón, limón" ou "Hai que vestir ó bebé". 

Vimos e tocamos todo tipo de instrumentos do máis curiosos, desde a clásica batería a tambores enormes feitos con botes de pintura, que estaban decorados e segundo o tamaño soaban de diferente maneira.

 Noutra sala había potas de distintos tamaños, tixolas...que tamén servían como instrumentos musicais. 

Nalgúns momentos parabamos a escoitar algunha explicación ou  a ver e escoitar algún libro, como nesta sala dos bebés; 

tamén había unha adicada a Palestina, con libros escritos en árabe, e outra onde estaban todos os traballos feitos polos nenos e nenas e alí estaba o noso. 

Ata subimos a un escenario a tocar diferentes instrumentos!

E noutra sala bailamos con Orbil, que nos guíaba cunha coregrafía de pasos sinxelos. 

Mentres Uxía, a monitora nos levaba de sala en sala, tamén nos amosaba algúns libros e contos relacionados coa temática do salón, como o de "Unha vella tiña un can..." 

ou "Os músicos de Bremen", no que axudamos todos e todas a colocar os distintos instrumentos a cada animal. 

Foi unha visita do máis amena, divertida e didáctica!!